index introductio imagines || partitura exemplar translatio

e-mail

CTH 378.1

Exemplar --

Citatio: E. Rieken et al. (ed.), hethiter.net/: CTH 378.1 (Expl. --, 02.12.2017)

§ 1

1 -- [DINGIRME]Š ENMEŠ-YA DIN[GIR LÚMEŠ ḫ]ūmante[š DI]NGIRMEŠ MUNUSMEŠ ḫūmanteš DINGIRMEŠ [ŠA KU]R URUḫatti [DING]IRMEŠ LÚMEŠ ḫūmanteš linkiyaš DINGIRMEŠ MUNUSMEŠ ḫuma[nteš l]i[n]kiyaš karuwilieš DINGIRMEŠ LÚMEŠ ḫūmanteš DINGIRMEŠ MUNUSMEŠ ḫūmant[eš] apedani=z(a) UD-ti kwiēš DINGIRMEŠ tul[iya] linkīya k[ut]ruwanni ḫalziyanteš ēšten ḪUR.SAGMEŠ ÍDMEŠ PÚḪI.A dKASKAL.KURMEŠ=ya

2 -- k[ā]ša=šmaš ammuk mmuršiliš LÚSANGA-KUNU ARAD-KUNU arkuwānun

3 -- nu=šmaš=z(a) arkuwar kwedani memi[y]anni šēr ēššaḫḫi

4 -- nu=mu DINGIRMEŠ ENMEŠ-YA mem[iy]an=mi[t … ]

§ 2

5 -- DINGIRMEŠ E[NM]EŠ-YA [Š]À KUR URUḫatti=kan ÚŠ-an kišat

6 -- nu KUR URUḫatti ḫin<ga>naz tamaštat

7 -- [n]=at mekki damm[ešḫaetta]t

8 -- nu kāš MU-20KAM

9 -- mekki=ya kwit KUR URUḫatti akkiškett[ari]

10 -- [nu ammu]k šer AWAT mdutḫaliya DUMU-RI ŠA DUMU mdutḫali[ya] n[a]kkēšta

11 -- IŠTU DINGIR-LIM=ya ariyanu[n]

12 -- [ … ] AWAT mdutḫaliya DUMU-RI I[ŠT]U DINGIR-LIM=ya ḫandāeddat

13 -- mdutḫ[aliyaš] kwit TUR-RU ANA KUR URUḫatti BEL-ŠUNU ēšta

14 -- nu=šši=k[an URUḫat]tušaš DUMUMEŠ LUGAL BELUḪI.A UGULA LÚM[EŠ] LIM-TUM LÚ.MEŠDUGUD ÉRINMEŠ=ya ANŠE.KUR.RAḪI.A ḫūmanz(a) šēr linkešta

15 -- ABU-YA=ya=šši šer link[ešta]

§ 3

16 -- wet=ma AB[U-Y]A mtutḫaliyan dammešḫāet

17 -- [KU]R URUḫattušaš=a=z(a)=kan DUMUMEŠ [LU]GAL BELU[M]EŠ UGULA LÚMEŠ LIM LÚ.MEŠDUGUD ḫūmanz(a) ANA ABI-YA an[da] kišandat

18 -- nu mdutḫaliyan linkiya[n] EN-ŠUNU waggariē[r]

19 -- n=an=kan kwenner

20 -- namma=šši kwēš ŠEŠMEŠ-ŠU [m ... ]-ūda mpirwašš=a

21 -- n=aš ēpper

22 -- n=aš I[N]A KUR URUalašiya uper

23 -- nu[=šma]š mdutḫaliyaš kwit BEL-ŠUNU ēšta

24 -- apūš=ma=šš[i] l[inkiy]aš ARADMEŠ-ŠU ešer

25 -- nu=kan šume[nza]n ENMEŠ-YA NIEŠ DINGIR-LIM šarrē[r]

26 -- [nu=kan] mdutḫaliya[n k]wenner

§ 4

27 -- [nu DI]NGIRMEŠ ENMEŠ-[Y]A ABU-YA paḫḫašten

28 -- [ ... ] and[a ... ] ardummati

29 -- nu U[RU]ḫattušaš kwit IŠTU LÚK[ÚR ... ]

30 -- ZAGḪI.A [Š]A KUR URUGIDRU-ti LÚKÚR dān ḫarta

31 -- [ … GUL-aḫḫi]šket

32 -- n=aš=kan kuwašket

33 -- ŠA KUR URUGIDRU-ti[=y]a [ ... M]EŠ [daš]ket

34 -- ZAGḪI.A=ma=šmaš=kan arḫa dāš

35 -- n=aš EGIR-p[a ... ]

36 -- namma=ya=z(a) damāi araḫzena KUR.KURMEŠ LUGAL-wēznann[i … ]

37 -- nu KUR URUGIDRU-ti luluwaet

38 -- nu=šši ZAGḪI.A-uš kēz kēzz=iya [ ... ]

39 -- nu=šši KUR URUGIDRU-ti ḫūman peran SIG5-in iyanneš

40 -- nu=šš[i ... ] GU4 UDU peran makkešta

41 -- NAM.RAMEŠ=ya=z(a) kwiēš IŠTU KUR LÚK[UR ... ]

42 -- n=at luluwandat

43 -- UL kwitki ḫar(a)kta

44 -- nu=kan uwatten DINGIRM[EŠ … ]

45 -- [ ... ]=ya=z(a) apun AWAT mdutḫaliya TUR-RI ANA ABI-YA kinun appezz[iyaz] anda šanḫ(a)tten

46 -- nu=kan ABU-YA I[ŠT]U ŠA mdutḫaliya išḫana[z ... ]

47 -- kwēš DUMUMEŠ LUGAL BELUMEŠ UGULA LÚMEŠ LIM LÚ.MEŠDUGUD anda kišandat

48 -- nu a[pēz] memiyanaz eker

49 -- ANA KUR URUGIDRU-ti=ya=kan apāš=pat memiaš ār(a)š

50 -- nu KUR U[RUḫatti] memiyanaz akkiškewan tī[ya]t

51 -- nu KUR URUGIDRU-ti duwān parā [ ... ]

52 -- kinuna ḫinkan parā namma d[ašše]š[t]a

53 -- KUR URUGIDRU-ti ḫinganaz [ ... ] dammešḫaettat

54 -- n=at tepawē[šta]

55 -- [am]muk=ma=z(a) mmuršiliš A[RAD-KUNU] laḫlaḫḫiman U[L tar]uḫmi

56 -- N[Í.T]E-az=ma=z(a) pittuliyan UL [ … ]

§ 5

57 -- [ ... ] DINGIRMEŠ ENMEŠ-YA kwēš ištarāezzi

58 -- ANA [ ... ] tuliyaz kwit linkiya kutruw[a]nni ḫal[ziyanteš ēšten]

59 -- [ ... URUḫa]ddušaš kuwapi ḫūmanz(a) šer linkešket

60 -- nu=z(a) [ ... ]-waḫḫišker

61 -- wēr=ma=z(a) li[n]kiyaš kwit BE[L-ŠUNU ... ]

62 -- [nu kwitm]an DINGIRMEŠ BELUMEŠ-YA apet[a]ni ḫannešni U[L ... ]

63 -- [ ... d]ān apa[t] ēšḫar UL manqa EGIR-an š[an(a)ḫ- … ]

64 -- [ ... ]-MEŠ=pat [DINGIRMEŠ] BELUMEŠ-YA šarazziēš [ ... ]

§ 6

65 -- [ ... ]=ma waškwiškanzi

66 -- [ ... B]ELUMEŠ-YA linkien kwēš [ ... ]

67 -- [ ... ]-ŠUNU kwenner

68 -- nu apel UDKAM.ḪI.[A ... ]

69 -- karū=at ake[r]

70 -- [ ... -n]inker

71 -- kwēš=ma IŠTU É [ ... ]

§ 7'

72 -- [ ... KUR URUḫa]tti=y[a ... akk]iškettar[i]

73 -- [ ... ] ēš-[ ... w]aštai

74 -- katta [ ... ]

75 -- [ ... -n]a=kan [ ... ] apel ANA [ ... ]

76 -- [ ... ] ABI-YA kw[it ... ]-an iya-[ ... ]

77 -- [ ... ]-qa šu-[ ... ] ŠA ABI-Y[A ... ]

78 -- [ ... ]=z(a)=kan šu-[ ... t]arnan ḫarmi

79 -- [n]u ABI-YA kwi[t md]utḫaliyan [ ... ]

80 -- nu=z(a) A-BI-Y[A] apaddan EGI[R-pa ... ] išḫanaš SÍS[KUR ... ]

81 -- [URUḫ]addušaš=ma=z(a) UL kwitk[i … ]

82 -- [uw]anun=ma=z(a) i[šḫanaš SÍSKUR a]mmuqq=a iyanun

83 -- KUR-eanz(a)=m[a U]L kwitki iy[at]

84 -- [ ... ] KUR-TI kwitki šer yēr

§ 8'

85 -- kinuna KUR URUGIDRU-ti kwit ḫi[ngan]az(a) mekki tamaš[ta]t

86 -- nu KUR URUGIDRU-ti akkiškett[ari]

87 -- [ … ] AWAT mdutḫaliya ANA KUR-TI šer nakkišta

88 -- IŠTU [DINGIR-LIM=y]a=aš=mu ḫantaettat

89 -- nu[=šši … ] ariyanun

90 -- nu šumāš ANA [DINGIRMEŠ B]ELUMEŠ-YA ANA ÉMEŠ DINGIRMEŠ-KUNU MAMITI ANA KUR-TI [ḫ]ingan[i š]er ḫantaettat

91 -- nu šum[āš ANA DINGIRMEŠ] ENMEŠ-YA ŠA MAMITI SÍSKUR [pe]ran arḫa iyanzi

92 -- n=uš [ ... ] parkuwanzi

93 -- ammu[qq]=a šumāš ANA DINGIRMEŠ ENMEŠ-Y[A] šarnikziel maškann=a KUR-e [ÚŠ-n]i šer šarninkiškemi

§ 9'

94 -- DINGIRMEŠ BELUMEŠ-YA ŠA mdutḫali[y]a kwit ēšḫar EGIR-an šanḫa[tteni]

95 -- nu=kan mdutḫaliyan kwiēš kwenner

96 -- nu ēšḫar apūš šarni[nker]

97 -- nu KUR URUḫatti=ya apāš išḫananz(a) arḫa namma zinne[šta]

98 -- n=at KUR URUGIDRU-ti=ya karū šarnikta

99 -- kinun=aya22=at=kan [k]wit [a]mmu[k] ar(a)š

100 -- n=at ammuqq=a IŠTU É-TI-YA šarnikzilaz maškanna[z] šarnenkiškemi

101 -- nu ANA DINGIRMEŠ ENMEŠ-YA ZI-anz(a) namma war(a)šdu

102 -- nu=mu DINGIRMEŠ ENMEŠ-YA gin[z]u namma datten

103 -- nu=š[maš=k]an uwaḫḫaru

104 -- nu=šmaš kwit memiškemi

105 -- n[u]=mu ištamašten

106 -- idālu [U]L kwitki kwit ammuk iyanun

107 -- wašter k[w]iēš

108 -- nu idālu yēr

109 -- nu apel UDKAM-aš namma UL kwiški ēšzi

110 -- karū=at arḫa eker

111 -- a[mm]uk=ma=kan ŠA ABI-YA memiaš ār(a)š kwit

112 -- nu=z(a) kāša ANA KUR-TI ḫingani šēr šumēš ANA DINGIRMEŠ BEL[UḪ]I.A-YA maškan peškemi

113 -- šarnikziliēškem[i]

114 -- [n]u=šmaš maškan šarn[i]kziell=a šarnin[k]eškemi

115 -- nu=mu DINGIRMEŠ BELUMEŠ-YA ginzu namma datte[n]

116 -- [ ... ]-kan uwaḫḫaru

117 -- nu KUR URUGIDRU-ti kwit ḫinganaz(a) dammešḫāet

118 -- n=at [te]pauyēšta

119 -- nu šumāš ANA DINGIRMEŠ ENMEŠ-YA NINDAḫ[ar]šin DUGišpanduzzi=[ya] kwēš [ē]ššer

120 -- n=aš ḫinganazz(a) mekki tamašta

121 -- n=at ḫinganaz [ ... ]-ta

122 -- anda=at

123 -- ÚŠ-anz(a)=ma EGIR-an arḫa UL=pat dāi

124 -- nu akkišket[tari]

125 -- [ ... ] kwēš LÚ.MEŠḫaršiyalaš LÚ.MEŠišpantuzziyalašš=a tepawēš [ ... ]

126 -- n=at mān arḫa ḫarkanzi

127 -- nu=šmaš namma NINDA.GUR4.RA išpantu[zzi=ya] U[L] kwiški kwitki pāi

§ 10'

128 -- nu [ ... ENMEŠ-Y]A [AN]A NINDA.GUR4.RA išpantuzzi=ya šer kwin [ ... ]

129 -- [ ... -z]i=at e-[ ... ]

130 -- [ ... ] datten

131 -- nu=šmaš=kan uwaḫḫaru

132 -- nu=kan ḫing[an … uey]atten

133 -- [nu=šm]aš=kan kūš kwēš LÚ.MEŠNINDA.GUR4.RA LÚ.ME[Šišpantuzziyaleš] tēp[awēš ašanzi]

134 -- [n=a]t namma [l]ē dammešḫan[tari]

135 -- n=at lē ak[kanzi]

136 -- nu=šma[š NIND]A.GUR4.R[A išpant]uzzi=ya ē[šš]andu

137 -- nu=kan DINGIRMEŠ [B]ELUMEŠ-YA [ ... ] ḫink[a]n a[rḫa ue]iyatten

138 -- kwe=ya=kan kwe idālawa ANA [ ... ] ŠA md[u]tḫaliya [še]r INA ŠÀ KUR URUGIDRU-ti kišan

139 -- n=at=kan DINGIRMEŠ ša[r- ... ] ueiyatten

140 -- [n]=at INA KUR LÚKÚR ueiyatten

141 -- ANA KUR URUGIDRU-ti=ma gi[nzu … ] datten

142 -- nu=kan KUR-e anda SIG5-ru namma

143 -- ammuqq=a=šmaš=kan LÚSANGA-KUNU ARAD-KUN[U] uwaḫḫaru

144 -- nu=mu ginzu datten

145 -- nu=mu=kan ŠÀ-az laḫlaḫiman arḫa ueyatten

146 -- NÍ.TE-az=ma=mu=kan pittuliyan dātten

§ 11'

147 -- [ … Q]ATI

148 -- mmuršiliš=za GIM-a[n ... ] ÚŠ-ni šer [ ... ] arkuwar ī[ššešt]a